კრემლის პრესსპიკერი, დმიტრი პესკოვი ამტკიცებს, რომ 9 მაისს რუსეთის მობილიზაციას არ გამოაცხადებს.
"ეს არაა სიმართლე, ეს სისულელეა", - განაცხადა პესკოვმა კითხვის პასუხად.
გარდა ამისა, პესკოვმა "სისულელე" უწოდა ინფორმაციას, რომ პრეზიდენტი ვლადიმირ პუტინი 9 მაისს უკრაინას ომს ოფიციალურად გამოუცხადებს.
CNN-ის ინფორმაციით, რუსეთის პრეზიდენტმა ვლადიმერ პუტინმა უკრაინას, შესაძლოა, ომი ოფიციალურად 9 მაისს გამოუცხადოს.
გამოცემა ამერიკელ და დასავლელ ოფიციალურ პირებზე დაყრდნობით წერს, რომ ომის ოფიციალურად გამოცხადება რუსეთის სარეზერვო ძალების სრულ მობილიზებას გამოიწვევს.
დასავლელი ოფიციალური პირები მანამდეც ვარაუდობდნენ, რომ პუტინი 9 მაისის, როგორც "გამარჯვების დღის" სიმბოლურ მნიშვნელობას გამოიყენებდა. აქედან გამომდინარე, ისინი ვარაუდობენ, რომ ამ დღეს პუტინი ამ სამხედრო მიღწევას ან საომარი მოქმედებების ესკალაციას გამოაცხადებს, შესაძლოა ორივეს.